Gəncədə məktəblilər tərəfindən təmizlik aksiyası keçirilib. Havanın çiskinli olmasına baxmayaraq səhər saatlarından Gəncəçayın bulvar hissəsində hər iki sahilində təmizlik işlərinə başlanılıb. Məktəblilər yerə atılan müxtəlif tullantları yığaraq nəzərdə tutulan müvafiq qutulara atıblar. Aksiyanın məqsədi BMT-nin qəbul etdiyi 17 Dayanıqlı İnkişaf Məqsədlərini şagirdlər arasında yaymaq, prinsiplərini öyrətmək və həyatda tətbiqini izah etməkdir. Eyni zamanda gənclərin ətraf mühitlə qarşılıqlı əlaqəsinə dair bilik və təcrübələrini artırmaq və onlarda ekoloji mədəniyyəti formalaşdırmaqdır. 4-7-ci siniflərdə oxuyan uşaqların iştirakı ilə keçirilən sosial layihədə 60-dan çox şagird iştirak edib.