Ümummilli lider Heydər Əliyevin anadn olmasının 100 illiyi ilə bağlı Gəncədə möhtəşəm bayram konserti keçirilib. Zəfər tağının qarşısında keçirilən konsertdə Fikrət Əmirov adına Gəncə Dövlət Filarmoniyasının solistləri və Türkiyənin məhşur müğənnisi Rafet El Roman iştirak edib. 50 minə yaxın sakinin izlədiyi konsertdə populyar müğənni özünün sevilən mahnılarını ifa edib. Müğənninin ifası sakinlər tərəfindən alqışlarla qarşılanıb. Rafet El Roman Ulu öndər Heydər Əliyevə həsr edilən mahnı da ifa edib. Konsertin sonunda türkiyəli ulduzun mahnısının sədaları altında möhtəşəm bayram atəşfəşanlığı olub.