Sənaye və Texnologiyalar üzrə Gəncə Dövlət Peşə Təhsil Mərkəzində ümummilli lider Heydər Əliyevin anadan olmasının 100 illiyi münasibəti ilə tədbir keçirilib. Dahi şəxsiyyətin siyasi fəaliyyətindən danışılaraq Heydər Əliyevin hakimiyyəti illərində Azərbaycanın qazandığı uğurlara diqqət çəkilib. Onun fəaliyyətinin başlıca qayəsini müstəqillik, azərbaycançılıq, dövlətçilik, demokratiya, milli tərəqqi, dünyəvilik kimi ümumbəşəri dəyərlər təşkil etdiyi vurğulanıb. Ümummilli liderin Azərbaycanın hər bir vətəndaşının qəlbində daim yaşayacağı xatırladılıb. Tədbirdə Heydər Əliyevə həsr edilən videoçarx nümayiş olunub.