Bu gün Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan İstanbulda keçirilən “TEKNOFEST” aerokosmik və texnologiya festivalında iştirak ediblər. Mərasimdə Liviya Baş naziri Əbdülhəmid Dibeybə də iştirak edib, Milli texnoloji həmlə konsepsiyası ilə texnologiya sahəsində sürətlə inkişaf edən Türkiyənin altıncı ildir təşkil etdiyi builki “TEKNOFEST” aprelin 27-də start götürüb. Mayın 1-dək davam edəcək festival Türkiyə Texnologiya Komandası Vəqfinin , Sənaye və Texnologiya Nazirliyinin birgə təşkilatçılığı, qardaş ölkənin milli texnoloji sistemində mühüm rol oynayan dövlət, özəl, elm və media qurumlarından ibarət 120-dək qurumun tərəfdaşlığı ilə keçirilir.

Türkiyə Prezidenti Rəcəb Tayyib Ərdoğanın dəvəti ilə İstanbulda işgüzar səfərdə olan Prezident İlham Əliyev Türkiyənin Havaçılıq, Kosmos və Texnologiya Festivalı – “Texnofest-2023”ün keçirildiyi Atatürk Hava Limanına yerli istehsallı “Togg” avtomobili ilə gedib.

Avtomobili Azərbaycan Prezidenti İlham Əliyev idarə edib. Nəqliyyat vasitəsində Türkiyə Prezidenti Rəcəb Tayyib Ərdoğan da olub. OnlarıTürkiyənin və Azərbaycanın birinci xanımları Əminə Ərdoğan və Mehriban Əliyeva  müşayət edib. 

Daha sonra səhnəyə çıxan ölkə başçıları və xanımları türk millətini salamlayıb.
 

Çıxış edən Prezident İlham Əliyev Bir il əvvəl  “TEKNOFEST”in Bakıda keçirildiyini, ö cümlədən  Türkiyə prezidenti Rəcəb Tayyip Ərdoğanın da  iştirak etdiyini xatırladaraq, Türkiyə və Azərbaycan hər zaman bir yerdə olacağını vurğulayıb.Ölkə başçısı  Türkiyənin son 20 il ərzində böyük və şərəfli yol keçdiyini, Prezident Rəcəb Tayyib Ərdoğanın liderliyi ilə  dünya miqyasında söz sahibinə çevrildiyini, regionda sülhün, sabitliyin, təhlükəsizliyin qarantı olduğunu söyləyib.

İlham Əliyev Azərbaycan Respublikasının Prezidenti: Türkiyə böyük Türk dünyasının birləşməsi içində çox böyük rol oynayır. Keçən ay Ankarada keçirilmiş Türk dövlətlərinin Zirvə toplantısında da bütün Türk dövlətləri əziz qardaşıma öz dəstəyini, hörmətini və bizim ümumi həmrəyliyimizi bildirmişdir, Ən inkişaf etmiş, ən çağdaş, ən modern müdafiə sənayesi həm Türkiyəni, həm də bizi gücləndirir. Bu, uzun illər bundan sonra Türkiyənin güvənliyini təmin edəcəkdir”

”Kızılelma” havada Altay və TOGG quruda, Anadolu dənizdə, bugünkü Türkiyə budur deyən Prezident İlham Əliyev Türkiyənin texnoloji, hərbi sahədəki uğurlarını önə çəkərək  Azərbaycanda Yaxın gələcəkdə “Bayraktar” mərkəzi yaradılacağının  anonunsunu verib.

İlham Əliyev Azərbaycan Respublikasının Prezidenti: Selçuk bəy bu ayın əvvəlində, aprelin 3-də Azərbaycanda olarkən biz gələcək işbirliyi haqqında danışdıq və “Bayraktar” mərkəzinin Azərbaycanda yaradılması haqqında anlaşdıq. İnşallah, yaxın gələcəkdə Azərbaycanda “Bayraktar” mərkəzi yaradılacaq Selçuk bəy Bakıda olarkən mənə “Kızılelma”nın bir maketini hədiyyə. Mən fürsətdən istifadə edərək Kızılelma bütün qardaşlarımı təbrik edirəm və Ümid edirəm ki, yaxın gələcəkdə “Kızılelma” Azərbaycanın səmasında da olacaqdır.
 

Dövlət başçısı nitqini  Türkiyə və Azərbaycanın qardaşlığı ilə  yekunlaşdırıb.

İlham Əliyev Azərbaycan Respublikasının Prezidenti: Heydər Əliyev demişdir Türkiyə və Azərbaycan bir millət iki dövlətdir. Bu gün biz bunu ispatlayırıq. Bu gün bütün bizim atalarımızın, əcdadlarımızın ruhu şaddır çünki Türkiyə və Azərbaycan bir yerdədir və atam demişkən bir millət iki dövlət eləva də etmək istəyirəm bir yumruq.
 
Türkiyə prezidenti Rəcəb Tayyib Ərdoğan Azərbaycanın Kahramanmaraş şəhərində zəlzələdən zərər çəkənlər üçün şəhərcik inşa edəcəyini açıqlayıb. tikintisinin  bir il ərzində tamamlanması  gözlənilən, Azərbaycan və TOKİ-nin birgə layihəsi olan bu şəhərciyin təməlqoyma mərasimi də canlı olaraq yayımlanıb. 

Rəcəb Tayyib Ərdoğan Türkiyə Respublikasının Prezidenti: Əziz qardaşım İlham bəy bizləri əvvəldən bəri bilinən Pazarcık mərkəzli zəlzələdə heç vaxt tək qoymadı. Axtarış-xilasetmə qrupları Kahramanmaraşda ilk andan bizimlə idi. Bu, kifayət etmədi. Qardaşım İlham bəy Kahramanmaraşda 1000 daimi yaşayış yeri vəd etdi. Lakin biz orada məktəbi, məscidi, yataqxanası və bir çox konseptlərdə binaları olan Azərbaycan şəhərciyi tikmək qərarına gəldik. Bu gün bu münasibətlə biz bunun əsasını qoyduq.
 
Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyevə Türk dünyasının böyük oğlu, Ulu Öndər Heydər Əliyevin anadan olmasının 100 illiyi münasibətilə hazırlanmış xatirə əsginasını təqdim edib. 

Daha sonra çıxış edərək fesivaldan onun uğurlarından bəhs edən Rəcəb Tayyib Ərdoğan Türkiyənin ilk kosmonavtlarının adlarını da açıqlayıb. Məlum olub ki, onlardan biri Azərbaycan əsillidir.

Rəcəb Tayyib Ərdoğan Türkiyə Respublikasının Prezidenti: “Alper Gezeravcı Hərbi Hava Qüvvələrində böyük uğurlar qazanmış qəhrəman türk pilotudur. O, Beynəlxalq Kosmik Stansiyada 14 gün qalacaq. Əvəzedici adı Tuva Cihangir Ataseverdir
 

“TEKNOFEST” çərçivəsində keçirilmiş müsabiqələrin qaliblərinin mükafatlandırılması mərasimi də olub.

“Kızılelma” pilotsuz uçuş aparatının səmada manevrləri izlənilib.

“Baykar” şirkətinin idarə heyətinin sədri Selçuk Bayraktar Azərbaycan Prezidenti İlham Əliyevə, Liviyanın Baş naziri Əbdülhəmid Dibeybeyə və Türkiyə Prezidenti Rəcəb Tayyib Ərdoğana xatirə hədiyyələri təqdim edib. Azərbaycan Prezidentinin İstanbula işgüzar səfəri başa çatıb. Azərbaycan Prezidenti İlham Əliyevi və birinci xanım Mehriban Əliyevanı Türkiyə Prezidenti Rəcəb Tayyib Ərdoğan və xanımı Əminə Ərdoğan yola salıblar.

“TEKNOFEST” aerokosmik və texnologiya festivalı...İstanbul bu gün də qürur saçırdı. Qardaşlıq bu gün də güvən qoxurdu. Prezident İlham Əliyevin ”Kızılelma” havada, Altay və TOGG quruda, Anadolu dənizdə cümləsi cümlə türkə düşmən kəsilənləri havada da, suda da, quruda da yaxşıca silkələdi... Onlar silkələnməklərində olsunlar, hələ belə təntənələrin sədasını çox eşidəcəklər. Eşitdikcə də fırtınaya düşəcəklər... Amma fırtınalar dursun yana, salam türkün bayrağına !!!