KepezTV Player
“Heydər Əliyev İli” çərçivəsində Naftalanda “Azərbaycanın dövlət müstəqilliyi əbədidir, sarsılmazdır, dönməzdir!” mövzusunda tədbir keçirilib. Heydər Əliyev Mərkəzində Ümummilli Liderin şərəfli ömür yolu, ölkəmizin tərəqqisi uğrunda göstərdiyi misilsiz xidmətlərini özündə əks etdirən foto-eksponatlara baxış keçirilib, Ulu Öndərin həyat və fəaliyyətini əks etdirən kitablarla, əl işlərindən və rəsmlərdən ibarət sərgi ilə tanışlıq olub. Ulu Öndər - xalqın milli nailiyyət simvoluna çevrilən tarixi şəxsiyyət kimi xarakterizə edilən tədbirdə onun qurub yaratdığı müstəqil Azərbaycan dövlətinin əldə etdiyi uğurlara nəzər salınıb. Ümummilli Lideri Heydər Əliyevin müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimi kimi düşdüyü xatırladılıb. Siyasi kursu uğurla davam etdirən Prezident İlham Əliyevin şanlı səhifələr yazaraq, yüksək zirvələr fəth etdiyi vurğulanıb. Sonda Ulu Öndərin 100 illik yubileyi münasibəti ilə şəhər məktəbliləri arasında keçirilən “Sən elə bir zirvəsən” adlı şeir müsabiqəsinin qalibləri mükafatlandırılıb.
- Baxış: 276
