Aprelin 17-dən 20-dək Azərbaycanda beynəlxalq tarixi abidələrin qorunması günləri qeyd edilir. Hər il bu məqsədlə qoruqlarda, tarixi məkanlarda abidələrin və tarixi yerlərin qorunmasının təbliği məqsədilə müxtəlif tədbirlər, sərgilər təşkil edilir. Gəncə şəhər İcra Hakimiyyəti və Gəncə Dövlət Tarix və Mədəniyyət Qoruğunun təşkilatçılığı ilə baş tutan tədbirdə dövlətin tarixi abidələrin tədqiqi, mühafizəsi və bərpasına diqqətindən söz açılıb. Mədəniyyət nümunələrinin beynəlxalq aləmdə təbliği istiqamətində işlər görüldüyü vurğulanıb. Abidələrin və tarixi yerlərin dağıdılması xalqın, millətin varlığının məhvinə bərabər olduğu qeyd edilib. Tədbirin təşkilində məqsəd insanların diqqətini abidələrin və tarixi yerlərin qorunmasına yönəltməkdir.