Daşkəsəndə Rayon İcra Hakimiyyətinin təşkilatçılığı və YAP rayon təşkilatı ilə birgə ağacəkmə aksiyası keçirilib. “Heydər Əliyev İli” çərçivəsində reallaşan ekoloji tədbir Şəhidlər xiyabanının ətrafında təşkil edilib. Aksiyada yerli iqlim şəraitinə uyğun 300-dən çox ağac əkilib, mövcud yaşıllıqlara aqrotexniki qulluq göstərilib. Eləcə də şəhidlər xiyabanında təmizlik işləri görülüb. Daşkəsən rayonunda “Heydər Əliyev İli” çərçivəsində ağacəkmə aksiyası davamlı xarakter daşıyır.