Prezident İlham Əliyev Yunanıstan Prezidenti Katerina Sakellaropuluya başsağlığı məktubu göndərib. " Larisa şəhəri yaxınlığında sərnişin qatarı ilə yük qatarının toqquşması nəticəsində çox sayda insanın həlak olması və xəsarət alması barədə xəbər bizi son dərəcə kədərləndirdi. Bu ağır faciə ilə əlaqədar dərin hüznlə başsağlığı verir, yaralananların tezliklə sağalmasını arzulayıram", -deyə dövlət başçısının ünvanladığı məktubda qeyd edilib.