Bakı-Qazax avtomagistralının Gəncə şəhərinə girəcəyində xəsarətlə nəticələnən yol-nəqliyyat hadisəsi baş verib. Şəhərin “Gəncə qapıları” adlanan ərazisində “Prado” markalı avtomobillə “Opel” markalı maşın toqquşub. Qəza zamanı “Opel” markalı avtomobilin sürücüsü və sərnişin müxtəlif dərəcəli bədən xəsarətləri ilə xəstəxanaya aparılıb. Hadisə yerinə DYP əməkdaşları cəlb olunub.