Gəncədə avtobusun iştirakı ilə yol nəqliyyat hadisəsi baş verib. Nizami Gəncəvi prospektində 23 nömrəli xətt üzrə sərnişin daşıyan  “İsuzu” markalı avtobus idarəetmədən çıxaraq dərəyə aşıb. Qəza zamanı nəqliyyat vastəsində sürücüsü 62 yaşlı Gəncə sakini Canpolad Abdullayevavlə yanaşı 2 nəfər qadın sərnişin də olub. Xoşbəxtlikdən xəsarət alan olmayıb. Avtobusu dərədən çıxarmaq üçün əraziyə qaldırıcı kran cəlb edilib. Faktla bağlı araşdırma aparılır.