Samuxun Qarabağlar kəndində yaşayan 19 yaşlı Jalə Məhərrəmova vanna otağında dəm qazından zəhərlənib. Gənc qadının yaxınların sözlərinə görə, bir müddət hamamdan səs gəlmədiyini görüblər, içəriyə baxanda Məhərrəmovanı yerdə huşsuz vəziyyətdə tapıblar. Qadın xəstəxanaya çatdırılsa da, müayinə zamanı artıq öldüyü məlum olub. Mingəçevir sakini olan Jalə Məhərrəmova 8 ay əvvəl Qarabağlar kəndində gəlin köçübmüş. Fakt araşdırılır.