Prezidenti İlham Əliyevin Astanada İran Prezidenti Seyid İbrahim Rəisi ilə də görüşü olub. Seyid İbrahim Rəisi Azərbaycanın İranın qonşuları içərisində ölkəsi üçün çox vacib tərəfdaş olduğunu, İranın Azərbaycanla əməkdaşlığı hərtərəfli inkişaf etdirmək üçün ciddi niyyətini bildirib. Prezident İlham Əliyev Azərbaycanın Xəzər dənizində və Cənubi Qafqaz regionunda sülhün və təhlükəsizliyin təmin olunması istiqamətində səylərini davam etdirdiyini deyib. İranla Azərbaycan arasında Ağbənd körpüsünün açılışının həm rəmzi, həm də böyük praktiki əhəmiyyətinin olduğu da qeyd edilib.