15 iyun milli qurtuluş gününə həsr olunan mini-futbol üzrə açıq şəhər çempionatına yekun vurulub. Azərbaycan Texnologiya Universitetinin təşkilatçılığı, Gəncə şəhər Gənclər və İdman Baş İdarəsinin dəstəyilə  keçirilən yarışın finalında  1 nömrəli uşaq gənclər idman şahmat məktəbinin komandası Azəri Təhsil İdman Məktəbinin kollektivini məğlub edərək yarışın qalibi olub. Sonda təltifetmə mərasimi baş tutub. Təşkilatçılar tərəfindən mükafatçılara medal, diplom, eləcə də kubok təqdim edilib.