Vətən müharibəsi şəhidləri İlqar Bürcəliyev və Şöhrət Əliyevin xatirəsinə həsr olunan mini-futbol üzrə yarış başa çatıb. 2009-2010-cu il təvəllüdlü futbolçuların mübarizə apardığı və 8 komandanın çıxış etdiyi birinciliyin sonunda mükafatlandırma mərasimi keçirilib. Yarışın yekunlarına əsasən Çinar 1-ci, Gəncə TİM 2-ci, Ümid isə 3-cü yerə layiq görülüb. İlk üçlükdə qərarlaşan kollektivlər Gəncə Şəhər Gənclər və İdman Baş İdarəsi tərəfindən diplomla təltif ediliblər.