Ukrayna səfiri Vladislav Kanevski müharibədə həlak olan Azərbaycan əsilli Ukrayna vətəndaşı ilə bağlı paylaşım edib. “Pizza Veterano” pizza kafeləri şəbəkəsinin həmtəsisçisi, Azərbaycan əsilli ukraynalı Rafael Ağayev Ukraynanın Mariupol şəhəri uğrunda gedən döyüşlərdə həlak olub. Qəhrəman Dəniz piyadaları bölməsinin tərkibində şəhəri müdafiə edirdi. Xatirəsi əbədi yaşayacaq!" deyə səfir yazıb. Ukraynadakı bu məşhur restoran hərbi xidmətini başa vuranların iş tapa bilməsi və normal həyata uyğunlaşaması üçün sosial layihə kimi yaradılıb. Rafael Ağayev 2014-cü ildə Donbas müharibəsində də iştirak edib.