• KƏPƏZ TV
    canlı yayım
Bu günə xəbərlərin oxunma sayı: 3122
— 30.03.2022 12:26

Narkokuryer qardaş-bacı saxlanılıb

KepezTV Player

Ağstafa rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində əcnəbi ölkədən qeyri-qanuni yolla Azərbaycana gətirilən narkotik vasitəni onlayn yolla sifariş kimi qəbul edərək ölkə ərazisində çatdırılmasını təmin edən narkokuryerlər saxlanılıblar. Araşdırmalar zamanı məlum olub ki, Ucar rayon sakini, əvvəllər məhkum olunmuş Nicat Əhmədov və bacısı Minayət Əhmədova sosial şəbəkələr üzərindən əcnəbi vətəndaş ilə müəyyən məbləğ və narkotik vasitə qarşılığında Ağstafa rayonu ərazisində gizlədilən narkotik vasitəni götürərək respublikanın digər şəhər və rayonlarına aparmaq barədə razılaşıblar. Həmin şəxlər Ağstafa Rayon Polis Şöbəsinin əməkdaşları tərəfindən saxlanılan zaman əyləşdikləri taksidən 1 kiloqram 850 qram heroin, 1 kiloqram 880 qram marixuana və 140 qramdan artıq metamfetamin aşkar edilərək götürülüb. Saxlanılan şəxslər maddi sübutlarla birlikdə istintaqa təhvil verilib, faktla bağlı araşdırmalar davam etdirilir.