• KƏPƏZ TV
    canlı yayım
Bu günə xəbərlərin oxunma sayı: 1368
— 24.01.2022 12:24

Olimpiya çempionu karyerasının finişində?

KepezTV Player

Azərbaycanın sərbəst güləş üzrə olimpiya çempionu Toğrul Əsgərov yaxın vaxtlarda karyerasını başa vura bilər. 30 yaşlı idmançı açıqlamasında buna səbəb kimi zədələrdən bərpa ola bilməməsini göstərib: "Yenidən ağrıların yaranacağından ehtiyat edirəm. Ona görə nə karyeramı bitirə, nə də davam etdirə bilirəm. Hələlik, fərdi məşqlərlə kifayətlənirəm. Əlbəttə, karyeramı davam etdirmək istərdim. Lakin bel fəqərəmdə 5 sm-lik yırtığın olması mənə çətinlik yaradır" deyə bildirən Toğrul Əsgərov idmançı karyerasını bitirəcəyi təqdirdə, hansı sahədə çalışacağını deməkdə çətinlik çəkib: "Düzdür, özüm də mənə hansısa iş veriləcəyini ordan-burdan eşidirəm. Amma rəsmi səviyyədə heç bir təklif almamışam". Toğrul Əsgərov 2012-ci il London Yay Olimpiya Oyunlarında qızıl medal qazanıb. "Rio-2016"da və 2010-cu il dünya çempionatında isə gümüş medal əldə edib. 2012-ci ildə Serbiyanın paytaxtı Belqradda Avropa çempionu olan idmançı Bakı-2015 I Avropa Oyunlarının da qalibidir.