İşğaldan azad edilmiş ərazilərin qış turizm potensialı genişdir, bu yerlər təbii irs və mədəni irslə zəngindir. Dövlət Turizm Agentliyinin Regional Turizmin inkişafı sektorunun müdürü İlkin Cavadov belə deyib. Onun sözlərinə görə, qış turizmi üçün ən əlverişli yer Kəlbəcər rayonudur. "Bundan başqa Laçında, Şuşada, Hadrutda, Tuğda, Azıx mağarası ətrafında olan ərazilər gələcəkdə qış turizmi üçün insanların diqqətini cəlb edir" - deyə sektor müdiri qeyd edib.