Gəncənin tanınmış sabiq futbolçuları, hazırda da aktiv oyunçu karyerasını davam etdirənlər, məşqçilər "Həmrəylik matçı" adı altında futbol oynayıblar. Gəncə şəhər stadionunun yardımçı meydançasında keçirilən oyun 31 dekabr Dünya Azərbaycanlılarının Həmrəylik Gününə və Gəncənin tarixi adının qaytarılmasının 32-ci il dönümünə həsr olunub. Ölkənin ayrı-ayrı klublarında işləyən və çıxış edən gəncəlilər çempionatda yaranan qış fasiləsindən istifadə edərək bir araya gəlib və sevimli işləri ilə məşğul olublar.