Gəncədə Futbol Akademiyası inşa olunacaq. Bu barədə qərarı da AFFA-nın İcraiyyə Komitəsi verib. Qurum akademiyanın inşasını təsdiqləyib. Bu işlər AFFA tərəfindən keçirilmiş tenderə uyğun olaraq gerçəkləşdiriləcək. Bunadək Tovuzda da AFFA tərəfindən akademiya inşa olunub. İcraiyyə Komitəsi regionlarda klublara maliyyə dəstəyinin təmin olunması məqsədilə bölgələrdəki futbol klublarına dəstək fondu da təsis edib. Müvafiq hüquqi prosedurların həyata keçirilməsi milli assosiasiyanın baş katibliyinə tapşırılıb.