Gəncə Şəhər Baş Polis İdarəsi Kəpəz rayon Polis İdarəsi Cinayət Axtarışı Şöbəsi əməkdaşlarının keçirdikləri əməliyyat-axtarış tədbirləri nəticəsində qanunsuz olaraq narkotik maddə  əldə edib saxlamaqda şübhəli bilinən şəhər sakini, əvvələr məhkum olunmuş Asəf Quluzadə saxlanılıb. Polis İdarəsində üzərinə baxış zamanı narkotik maddə olan “metamfetamin” aşkar edilib. Davam etdirilən istintaq-əməliyyat tədbirləri nəticəsində saxlanılan şəxsin evinə də baxış keçirilib. Oradan bir ədəd sellofan bükülüdə, 130 qram çəkidə “metamfetamin” götürülüb.

Nizami rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində şəhər ərazisində silsilə oğurluq etməkdə şübhəli bilinən azyaşlılar saxlanılıblar. Məlum olub ki, onlar cari ilin müxtəlif vaxtlarında şəhər ərazisindəki 2 mağazaya qeyr-qanuni yolla daxil olaraq oradan 3500 manata yaxın nağd pul oğurlayıblar. Şübhəli şəxslərin digər anoloji cinayətlər törətməsi istisna olunmadığından faktla bağlı zəruri istintaq-əməliyyat tədbirləri davam etdirilir.