44 günlük vətən müharibəsində yaralanan əsgərlərə xidmət edən Mərkəzi Neftçilər Xəstəxanasının tibb işçiləri, TƏBİB-in nümayəndələri Zəfər günü ilə bağlı Gəncəyə səfər ediblər. Qonaqlar ikinci Qarabağ müharibəsində ermənilərin Gəncəyə atdığı raket zamanı dağılan ərazidə olublar. Burada şəhidlərin müqəddəs ruhu hörmətlə anılıb.  Gəncəyə dinc sakinlərə raket atılması nəticəsində 26 nəfər şəhid olub ki, bunlardan da 6 nəfər uşaqdır. Həmçinin 130-a yaxın şəxs müxtəlif dərəcəli xəsarətlər alıb. Bütün yaralılarımızın sağalmasında Azərbaycan həkimləri fədakarlıq göstərərək əlindən gələni əsirgəməyiblər.