Gəncə şəhər Gənclər və İdman Baş İdarəsində Serbiyanın Belqrad şəhərində keçirilən Dünya Məktəblilərinin İdman Oyunlarında yer tutan güləşçilərlə görüş olub. Nizami yurdunun pəhləvanlarının yarışdan 8 medalla qayıtması yüksək qiymətləndirilib. Çünki beynəlxalq yarışlardan belə uğurla şəhərə qayıdan komandalar nadir hallarda olur. Gəncədən yarışa 10 idmançı, 1 məşqçi və 1 hakim yollanıb ki, yeniyetmə güləşçilərdən 2-si qızıl, 4-ü gümüş, 2-si isə bürünc mükafata yiyələnib. Görüşün sonunda Gənclər və İdman Baş İdarəsi tərəfindən turnirə qatılan məşqçi və hakimə təşəkkürnamə, idmançılara isə fəxri diplom təqdim edilib.