Gəncə Şəhər Gənclər və İdman Baş İdarəsinin təşkilatçılığı ilə üzgüçülük idman növü üzrə Gəncə şəhər birinciliyi keçirilib. Gəncə Olimpiya İdman Kompleksində baş tutan və 40-dan çox yeniyetmə və gəncin qatıldığı yarışda 2 yaş qrupu üzrə - 2004-2007 və 2008-2010-cu il təvəllüdlü idmançılar bacarığını ortaya qoyub. Üzgüçülər 4 növdə - arxası üstə, krol, brass və batterflay üzmə üsulunda yarışıblar. Aşağı yaş qrupunda mübarizə aparan idmançılar 50 m, yuxarı yaş qrupunda yarışanlar isə 100 m məsafəni qət etməyə çalışıblar. Yarış xüsusi karantin rejiminin qaydalarına uyğun olaraq təşkil edilib. Şəhər birinciliyinin sonunda yer tutan idmançılar Gəncə Şəhər Gənclər və İdman Baş İdarəsi tərəfindən diplomlarla təltif olunublar.