"Kəpəz" yeni mövsümə hazırlıq çərçivəsində transfer çalışmalarını davam etdirir. I Divizionda çıxış edən Nizami yurdunun təmsilçisi Azərbaycan millisinin sabiq futbolçusu Cavid İmamverdiyevi heyətinə qatıb. 31 yaşlı yarımmüdafiəçi klubda 8 nömrəli forma ilə çıxış edəcək. Milli komandanın heyyətində 11 oyun keçirib 1 qol vuran Cavid İmamverdiyev karyerası ərzində “Karvan”, “Neftçi”, “Sumqayıt” və "Keşlə"nin, o cümlədən Türkiyədə “Elazığspor” komandasının şərəfini qoruyub."Sarı-göylər"in məqsədi iddialı komanda quraraq çempionata hər zaman rəng qatan yerli azarkeşlərin premyerliqa həsrətinə son qoymaqdı. Gəncə təmsilçisində səs gətirən transferlərin davam edəcəyi gözlənilir.