Azərbaycan beynəlxalq missiyaları öz ərazisində qəbul etməyə hazırdır. Xarici İşlər Nazirliyinin mətbuat katibi Leyla Abdullayeva deyib ki, Azərbaycan tərəfi və BMT-nin Qaçqınlar üzrə Ali Komissarlığı arasında aparılmış müzakirələr nəticəsində komissarlığın ölkəmizin münaqişənin təsirinə məruz qalmış ərazilərinə missiyasının həyata keçirilməsi ilə bağlı razılıq əldə edilib: "BMT QAK missiyasının azad olunmuş ərazilərimizə həyata keçirilməsi ilə bağlı təşkilatdan konkret məlumatın təqdim edilməsini gözləyirik", - deyə Leyla Abdullayeva vurğulayıb.