Ağstafa Rayon İcra Hakimiyyətinin dəstəyi, Heydər Əliyev Mərkəzinin tərəfdaşlığı və Gənclərin İnkişaf və Karyera Mərkəzinin Ağstafa nümayəndəliyinin təşkilatçılığı ilə "Dünənin və bu günün qəhrəmanları" adlı görüş keçirilib. Görüşdə qazilər, müharibə iştirakçıları və gənclər iştirak ediblər. Çıxışlar zamanı gənclərdə vətənpərvərlik ruhunu aşılamaq istiqamətində qazilərimiz keçdikləri şərəfli döyüş yolundan danışıblar. Eyni zamanda şəhidlərimiz yad olunub, onların xatirələrinin daim əziz tutulması, yaddaşlara əbədi yaşaması istiqamətində söhbət aparılıb.