Paytaxtın Sabunçu rayonu Maştağa qəsəbəsi ərazisində yerləşən evlərdən birində yaşayan vətəndaş Daxili İşlər Nazirliyinin "102" Xidməti-Zəng Mərkəzinə məlumat verərək gecə saatlarında evinə daxil olan 2 naməlum şəxsin onun bədəninin müxtəlif nahiyyələrinə dəmir linglə və bıçaqla xəsarətlər yetirib quldurluq yolu ilə əmlakını ələ keçirməyə çalışdıqlarını deyib. Sabunçu Rayon Polis İdarəsi və 14-cü Polis Bölməsinin əməkdaşları dərhal araşdırmalara başlayıblar. Hadisəni törətməkdə şübhəli bilinən Gəncə şəhər sakini Səma Əsədova və paytaxt sakini Dilək İbrahimova saxlanılıb. Hər iki şəxs törətdikləri əməli etiraf edib.Hadisə zamanı qadınlar oradan uzaqlaşan zaman evdən zərərçəkənə məxsus “Mitsubishi” markalı avtomobilin açarlarını götürüblər.Faktla bağlı cinayət işi başlanılıb.