Beynəlxalq Muzeylər günü münasibətilə Gəncə Şəhər Gənclər və İdman Baş İdarəsi tərəfindən gənclərin muzeylərə ekskursiyası təşkil edilib. Nizami yurdundakı ali və orta ixtisas məktbələrinin tələbə gənclər təşkilatlarının 15-ə yaxın üzvü ilk olaraq Gəncə Qala Qapıları-Arxeologiya və Etnoqrafiya Muzeyi Abidə Kompleksində olublar. Burada ziyarətçilərə nümayiş etdirilən eksponatlar barədə məlumat verilib. Nizami Gəncəvinin məqbərəsində də olan ekskursiya iştirakçılarına dahi Azərbaycan şairinin həyatı, yaradıcılığı, əlyazmaları haqda geniş informasiya verilib.