Azərbaycan Respublikasının Prezidenti İlham Əliyev “Boeing Commercial Airplanes” Şirkətinin prezidenti və baş icraçı direktoru Stenli Dili qəbul edib. Dövlət başçısı Azərbaycanın “Boeing” şirkəti ilə uğurlu əməkdaşlıq həyata keçirdiyini bildirib, bu əməkdaşlığın hava yollarımızın inkişafında rolundan danışıb. İşğaldan azad olunmuş ərazilərimizdə yeni hava limanlarının inşa olunduğu deyən İlham Əliyev bu baxımdan təyyarə parkımızın genişlənəcəyini, eyni zamanda, ölkəmizin yükdaşıma təyyarələri parkının potensialını da vurğulayıb və bu sahədə də əməkdaşlıq üçün imkanları qeyd edib.