Cənub Ərazi Baş Gömrük İdarəsinin Astara gömrük postunda Azərbaycan ərazisindən tranzit keçməklə İrandan Rusiyaya mebel yükü aparan Rusiya vətəndaşının idarə etdiyi yük avtomobili saxlanılıb və gömrük yoxlaması tətbiq edilib. Kinoloji xidmət iti xüsusi işarələrlə avtomobilin qoşqusuna reaksiya verdiyindən maşın stasionar rentgen qurğusundan keçirilib. Bu zaman şübhəli cizgilər müşahidə edildiyindən həmin nəqliyyat vasitəsi əsaslı yoxlanılıb və yük boşaldılıb. Divan və kreslolarda gömrük nəzarətindən gizlədilmiş 72 ədəd şəffaf sellofan paketdə qablaşdırılmış bağlamalar aşkarlanıb. Bağlamalara 43 kq 491 qram həşişin yerləşdirildiyi məlum olub. Faktla bağlı araşdırma aparılır.