Sərhəd Qoşunlarının “Horadiz” sərhəd dəstəsinin xidməti ərazisində Füzuli rayonunun Aşağı Yağlıvənd kəndi yaxınlığındakı sərhəd zastavasının xidməti sahəsində dövlət sərhədini pozaraq qanunsuz yolla Azərbaycandan İrana keçməyə cəhd edən Azərbaycan vətəndaşı 40 yaşlı Abdurəhmanov Azər Fərrux oğlu saxlanılıb. Keçmiş məhkumun qaçaqmalçılıq yolu ilə ölkəyə narkotik gətirmək niyyətində olduğu müəyyənləşdirilib.
Lənkəran” sərhəd dəstəsinin xidməti ərazisində Astara rayonunun Sım kəndi yaxınlığındakı sərhəd zastavasının xidməti ərazisində İrandan Azərbaycan ərazisinə hərəkət edən 2 nəfərin dövlət sərhədini pozması müşahidə edilib. Sərhəd naryadının “Dayan” əmrinə tabe olmayan sərhəd pozucuları əllərindəki bağlamanı ataraq geriyə qaçıblar. Axtarış tədbirləri nəticəsində 1 ədəd çantanın içərisində ümumi çəkisi 8 kiloqram 555 qram narkotik aşkar olunaraq götürülüb.
- Baxış: 500
