Prezident İlham Əliyev bir sıra rayonlarda əkin sahələrinin suvarma suyu ilə təminatının yaxşılaşdırılmasına və əhalinin içməli suya tələbatının ödənilməsinə dair əlavə tədbirlər haqqında sərəncam imzalayıb. Beyləqan, Cəbrayıl, Füzuli, Xocavənd və Şuşanın 16 yaşayış məntəqəsində 25 ədəd subartezian quyusunun layihələndirilməsi və qazılması üçün Azərbaycan Meliorasiya və Su Təsərrüfatı Açıq Səhmdar Cəmiyyətinə 1 milyon 750 min manat ayrılıb.