Gəncədə Ermənistan silahlı qüvvələri tərəfindən raket atəşinə tutulması nəticəsində 1000-dən artıq fərdi yaşayış evi qismən zədələnib və ya tamamilə dağıdılıb. Dəymiş ziyanın aradan qaldırılması istiqamətində aparılan işlər sürətlə davam etdirilir. Gəncə Şəhər İcra Hakimiyyətinin başçısı Niyazi Bayramov Dövlət Şəhərsalma və Arxitektura Komitəsinin nümayəndələri ilə birlikdə təmir-tikinti prossesinin getdiyi ərazilərə baş çəkib, işlərin gedişatı ilə yerində tanış olub. Qismən ziyan dəyən 253 evin təmiri artıq başa çatıb, 893 evdə isə işlər davam etməkdədir. Bununla yanaşı 24 qəzalı evdən 10-nun tikintisi həyata keçirilir, 14 evin isə fərdi layihəsi hazırlanır. Şəhər rəhbəri burada sakinlərlə də görüşüb, onların müraciət və təkliflərini dinləyib.