Daxili İşlər Nazirliyinin əməkdaşları tərəfindən 23 kiloqrama yaxın narkotik vasitə dövriyyədən çıxarılıb. Zamin Əliyevin üzərinə baxış zamanı 46 qram heroin, 27 qram metamfetamin götürülüb. Yaşadığı evdən 8 kiloqram heroin, 2 kiloqram 440 qram metamfetamin, 2 kiloqram 200 qram marixuana, 2 kiloqram 603 qram tiryək və 2300 ədəd “Metadon” aşkarlanıb. Əvvəllər məhkum olunmuş Orxan Mürsəlovun üzərinə baxış zamanı 10 qram, yaşadığı məzildən isə 2 kiloqram 160 qram heroin, 215 qram marixuana, 61 qram tiryək, 358 qram metamfetamin, 120 ədəd “Metadon” və 2 ədəd elektron tərəzi aşkar edilib. Nuranə Babayevadan isə 5 qram, evindən 3 kiloqram 470 qram heroin, 500 ədəd “Metadon” və elektron tərəzi aşkar edilib. Gülnarə İsmayılova da saxlanılıb. Onun üzərindən 107 qram, mənzilindən isə 470 qram heroin, 1 ədəd elektron tərəzi və narkotik vasitələrin satışından əldə olunan 2000 manat pul götürülüb. Sonuncu əməliyyat zamanı keçmiş məhkum Vüsal Tağıyev tutulub. Ondan ümumilikdə 40 qram heroin və metamfetamin, elektron tərəzi, həmçinin, 1 ədəd “Makarov” markalı tapança götürülüb.