Cəbrayıl Rayon Polis Şöbəsi əməkdaşlarının keçirdikləri əməliyyat tədbirləri zamanı narkotiklərin qanunsuz dövriyyəsində şübhəli bilinən Sumqayıt şəhər sakinləri saxlanılıblar. Daxil olmuş məlumat əsasında keçirilən əməliyyat nəticəsində tutulanlar əvvəllər məhkum edilmişlər - Şahlar Məmmədov və Gülşən Qasımovadır. Polis şöbəsində aparılan şəxsi axtarış zamanı Qasımovanın əlindəki çantadan 1 kiloqramdan artıq marixuana, 100 qramdan artıq metamfetamin, üzərindən isə heroin, Məmmədovdan heroin aşkar edilərək götürülüb. Faktla bağlı araşdırma aparılır.