Azərbaycanın Milli Aviadaşıyıcısı martın 8-dən Bakı-Kiyev-Bakı marşrutu üzrə xüsusi reyslərə başlayacaq. Marşrut üzrə həftədə iki dəfə - bazar ertəsi və cümə axşamı müntəzəm reyslər icra ediləcək. Uçuşlar "Borispol" hava limanına həyata keçiriləcək. Biletləri www.azal.az saytı vasitəsilə əldə etmək olar. Sərnişinlər Ukrayna və Azərbaycan ərazilərinə giriş hüququna malik olmalı, koronavirus infeksiyasının olmaması barədə arayış almalıdırlar.