“Azəriqaz” İstehsalat Birliyi hava şəraiti ilə bağlı təbii qazın təlabata uyğun rejimdə paylanılmasını diqqətdə saxlayır. Qəza, qaz sızması, sayğaclarla bağlı problem yaranarsa, operativ şəkildə aradan qaldırılır. Hazırda qəbul olunan qazın həcmi sutkalıq təqribən 35 milyon kubmetrdir. Ötən ilin müvafiq dövrü ilə müqayisədə hətta sutkalıq 8 milyon kubmetrədək artımın müşahidə olunduğu günlər də var. Bu həcmdə qazın qəbulu artan təlabatdan irəli gəlir. “Azəriqaz” İstehsalat Birliyinin baş direktoru facebookda canlı yayım edərək abonentləri narahat edən məsələlərə aydınlıq gətirib.