“Şəhidlərimizin qanı yerdə qalmayıb, son hərəkat zamanı 53 terrorçu zərərsizləşdirilib”. Türkiyə Prezidenti Rəcəb Tayyib Ərdoğan deyib ki, ordu zaman və məkan sərhədi tanımadan ölkənin ehtiyac duyduğu, millətin təhlükəsizliyi üçün vacib olan hər hərəkatı öz imkanları ilə reallaşdırır. "ABŞ tərəfindən qətliamla bağlı açıqlama verilib. Bəs siz terrorçuların yanında deyildiniz? Bəs siz PKK-nın yanında deyildiniz? Bəs siz YPG-nin yanında deyildiniz? Terrorçuların yanındasınız və arxasındasınız” - deyən Türkiyə Prezidenti ABŞ Prezidenti Co Baydenə də müraciət edib. “Cənab Bayden, PKK terror təşkilatını yaxşı tanı, FETÖ terror təşkilatının cinayətkar əməllərini də unutma”, - deyə vurğulayıb.