Nərimanov Rayon Polis İdarəsi Cinayət Axtarış Şöbəsi əməkdaşlarının keçirdikləri əməliyyat nəticəsində narkotik vasitələrin alışı və satışı ilə məşğul olmaqda şübhəli bilinən Tural Məcidov saxlanılıb. Ondan ümumi çəkisi 3 kiloqram 835 qram olan heroin aşkar edilib. Müəyyən olunub ki, Məcidov şəxsiyyəti istintaqa məlum olmayan xarici ölkələrdən birinin vətəndaşı ilə sosial şəbəkələrdə əlaqə yaradaraq narkotik vasitələrin Bakıya gətirilməsinə köməklik edib. Faktla bağlı cinayət işi açılıb.