Paytaxtda Səbail Rayon Polis İdarəsi 9-cu Polis Bölməsi əməkdaşlarının daxil olmuş məlumat əsasında keçirdikləri əməliyyat nəticəsində narkotiklərin qanunsuz dövriyyəsində şübhəli bilinən Bakı sakini, əvvəllər dəfələrlə məhkum olunmuş Yaşar Quliyev saxlanılıb. Şəxsi axtarış zamanı ondan 3,778 qram qurudulmuş marixuana aşkarlanıb. Quliyevin ətrafında davam etdirilən tədbirlərlə onun Sabunçu qəsəbəsində yaşadığı mənzildə əlavə olaraq narkotik vasitə və odlu silah-sursat gizlətdiyi məlum olub. Oradan 1 ədəd “Kalaşnikov” markalı avtomat silah, içərisində  30 ədəd patron olan daraq, həmçinin 460 qram  marixuana aşkar edilib. Quliyev istintaqa cəlb olunub, araşdırmalar  davam etdirilir.