Mingəçevir Şəhər Polis Şöbəsi əməkdaşlarının keçirdikləri əməliyyat nəticəsində şəhər sakinləri Arzu Əliyeva və oğlu, əvvəllər də narkotikə görə cinayət məsuliyyətinə cəlb edilmiş Elmir Əliyev tanışları Seymur Əliyevin idarə etdiyi taksidə hərəkətdə olarkən saxlanılıblar. Axtarış zamanı Arzu Əliyevadan satış məqsədilə saxladığı 123 qramdan artıq heroin götürülüb. Davam etdirilən əməliyyat tədbirləri ilə onların yaşadığı ünvana da baxış keçirilib. Elmir Əliyevə məxsus 30 qram heroin və kustar üsulla hazırlanmış 465 qram tiryək aşkar olunaraq götürülüb. Faktla bağlı Mingəçevir Şəhər Polis Şöbəsində cinayət işi başlanılıb, əməliyyat-istintaq tədbirləri davam etdirilir.