Yevlax RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən şəhər sakini, əvvəllər məhkum olunmuş M.Qarayev saxlanılıb. Şəxsi axtarış zamanı ondan metamfetamin, yaşadığı evə baxış zamanı oradan 1 kiloqrama yaxın marixuana, 295 qramdan artıq tiryək və 94 qrama yaxın metamfetamin aşkar edilərək götürülüb. **Tərtər polisinin keçirdiyi əməliyyat-axtarış tədbiri nəticəsində Xoruzlu kənd sakini R.Alışovun yaşadığı evə baxış keçirilib. Oradan 1 kiloqram 848 qrama yaxın marixuana aşkar edilərək götürülüb.