Müdafiə Nazirliyi Cəbrayıl rayonunun Göyərçinveysəlli kəndindən videogörüntülər paylaşıb. 1993-cü ildə ermənilərin işğalına məruz qalan kənd 19 oktyabr 2020-ci ildə Azərbaycan Silahlı Qüvvələri tərəfindən işğaldan azad edilib. Düzənlikdədir. Əsli Göyərcik Veysəllidir. Oykonim Göyərcik - kənd adı və Veysəlli etnotoponim komponentlərindən düzəlib, "Göyərcik kəndi yaxınlığındakı Veysəlli kəndi" deməkdir. Yerli əhalinin əsas təsərrüfatı heyvandarlıq olub.

Vətən müharibəsində qaza­nılan Qələbə sayəsində dövlətimizin ərazi bütövlüyü təmin olunduqdan, o cümlədən ölkəmizin İran İslam Respublikası dövlət sər­hədi işğaldan azad edildikdən sonra bu ərazilərdə zəruri sərhəd mühafizə infrastrukturunun bərpa edilməsi tədbirlər davam etdirilir. Dövlət Sərhəd Xidmətinin məlumatına görə. Ermənistan Silahlı Qüvvələrinin İran ilə dövlət sərhəd xətti boyu mina­ladığı ərazilər Dövlət Sərhəd Xidmətinin mühən­dis-istehkam bölmələri tərəfin­dən hazırda minalar­dan təmizlənilir. Son günlər ərzində Cəbrayıl rayonunun Həsənli kəndi yaxın­lı­ğın­da 80 ədəd tank əleyhinə mina sərhədçi istehkamçılar tərə­fin­dən zərərsizləşdirilib.