Ümumdünya Səhiyyə Təşkilatı yalnız təhlükəsizliyi və effektivliyi sübut olunan peyvəndləri təsdiq edir. Buna baxmayaraq, ölkələrdəki yerli qurumların peyvəndləri qiymətləndirmək və onlarla bağlı qərar qəbul etmək səlahiyyəti və yurisdiksiyası var. ÜST-nin Azərbaycandakı nümayəndəliyinin rəhbəri Hande Harmancının sözlərinə görə, hazırda 230-dan çox peyvənd inkişaf mərhələsindədir. Bunlardan ən azı 60 namizəd peyvənd insan üzərində sınaqdan keçirilir. Təxminən 16 namizəd peyvənd 3-cü sınaq mərhələsindədir.