"Biz işğaldan azad edilən torpaqları həyata qaytarmalıyıq. Bu məqsədlə azad edilmiş torpaqlarımızda kənd təsərrüfatının gələcək inkişafının planlaşdırılmasına başlanılıb". Kənd Təsərrüfatı naziri İnam Kərimovun sözlərinə görə, nəticədə ölkənin əkin dövriyyəsi artacaq, işğaldan azad edilən su anbarları hesabına yüz min hektarlarla sahənin suvarılması təmin ediləcək. Konkret olaraq üzümçülük, taxılçılıq, pambıqçılıq və heyvandarlığın inkişafı üçün böyük potensialın olduğuna diqqət çəkən nazir düçmən tapdağından qurtulan ərazilərdə aqrar emal sənayesini genişləndirməklə də kənd təsərrüfatının davamlı inkişafının təmin olunacağını vurğulayıb.