Bakıda Azərbaycan - Rus İcması “Qarabağ Azərbaycandır” şüarı ilə yürüş təşkil edib.İcma üzvləri Azərbaycan Ordusuna dəstək nümayiş etdiriblər. Azərbaycan Rus İcmasının sədri, deputat Mixail Zabelin bildirib ki, Azərbaycan ərazi bütövlüyünü bərpa edəcək.  "İşğal edilmiş torpaqlar azad ediləcək və məcburi köçkünlər öz yurdlarına qayıdacaqlar. Azad olunan torpaqlara həyat qayıdacaq". Aksiyada Azərbaycan, Rusiya və Türkiyə bayraqları ilə bəzədilən avtomobillər Milli Məclisin binası qarşısından yürüşə başlayaraq Bakının mərkəzi küçələri ilə hərəkət edib.