Azərbaycanın Avropa futbolunda yeganə təmsilçisi "Qarabağ" sabah avroliqanın qrup mərhələsində ikinci matçına çıxacaq. UEFA-nın qərarına əsasən, Ağdam təmsilçisi ev oyunlarını neytral meydanda keçirməlidir. Odur ki, komandamız İspaniyanın "Vilyarreal" klubunu Türkiyənin İstanbul şəhərindəki "Başakşehir Fatih Terim" stadionunda qəbul edəcək. Oyun öncəsi "Qarabağ"ın baş məşqçisi Qurban Qurbanov mətbuata açıqlama verib.