Müzəffər Azərbaycan Ordusu Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstalıbəyli, Dərzili kəndlərini işğaldan azad edib. Eşq olsun Azərbaycan Ordusuna! Qarabağ Azərbaycandır! Bunu Prezident İlham Əliyev tvitter hesabında yazıb. Dövlət başçısı Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndlərinin və Ağbənd qəsəbəsinin işğaldan azad edildiyinin müjdəsini də verib.Ağbənd qəsəbəsinin azad edilməsi ilə Azərbaycan və İran dövlət sərhədi tam nəzarətə götürülüb. Ali Baş Komandan bu münasibətlə Azərbaycan və İran xalqını təbrik edib.