Ermənistan silahlı qüvvələrinin Gəncəyə raket zərbələri endirməsi ilə əlaqədar şəhərdə Qərargah yaradılıb. Baş prokuror Kamran Əliyev və Fövqəladə Hallar naziri Kəmaləddin Heydərov Gəncədə hadisə yerindədirlər və axtarış-xilasetmə işləri ilə tanış olublar. Fövqəladə Hallar naziri Kəmaləddin Heydərov hadisə yerində bildirib ki, dağılan evlər dövlət tərəfindən yenidən bərpa olunacaq və ərazidə yeni evlər tikiləcək. Son məlumata görə, bu vaxta qədər dağıntılar altından xəsarət almış 52 nəfər və 13 nəfərin cəsədi çıxarılıb.